སྦྱངས་ཐོབ་སློབ་གསོའི་མན་ངག

དེབ་འདིའི་སྙིང་པོ་གཅིག་ཏུ་བསྡུས་ན་བྱེད་པོ་རང་གིས་གསུངས་པ་ཇི་སྐད་དེ། གཤིས་རྒྱུད་དང་འཇོན་ནུས། བདེ་ཐང་སོགས་སྒོ་ཀུན་ནས་ལེགས་པར་སྨིན་ན་ནི་ད་གཟོད་མངོན་འདོད་ཡིད་བཞིན་གྲུབ་པའི་མི་བུ་བྱོན་པ་ལགས། རྒྱ་ལ་བྱིས་པའི་གཟུགས་ཕུང་ཁོ་ན་ལ་དང་དང་དོད་དོད་བྱེད་ཆེས་ན། དེ་ཉིད་ཕྱིས་སུ་རིག་རྟུལ་གླེན་གོག་ཅིག་ལས་མི་འབྱུང་བ་སྲིད་ཅིང་། གལ་སྲིད་གཤིས་རྒྱུད་རྐྱང་རྐྱང་ལ་གཙིགས་ཆེན་བྱས་ཚེ། རྗེས་ཕྱོགས་དེ་ཉིད་ནུས་མེད་ཉམ་ཆུང་ཞིག་ལས་མི་འཁྱོངས་པའང་སྲིད། ཡང་གལ་ཏེ་ཤེས་རིག་གཅིག་པུ་ལ་མཐོང་ཆེན་བྱས་པ་ཙམ་གྱིས་ནི། དེ་ཉིད་མ་འོངས་པར་སྤམ་རྫུ་མགོ་མཁྲེགས་ཤིག་མ་གཏོགས་མི་འབྱོན་ལས་ཀྱང་ཆེ། དེ་ལྟ་བུ་ནི་མི་ཚེ་དོན་སྟོང་དུ་འགྱུར་བའི་སྲིད་པ་ཆེ་ཕྱིར། སྤྱོད་ཡོན་གཟུགས་པོ་སུམ་ཆ་ནས་ཡར་འཕེལ་འབྱུང་བར་བྱེད་རྒྱུ་ནི་གནད་ཆེན་ལས་ཀྱི་འགངས་ཆེན་ཡིན་ཞེས་པ་ལས་མ་འདས་ཤིང་། དེ་ལ་དེ་འཚམས་ཀྱི་ཐབས་ཤེས་ནི་སྣ་ཚོགས་ངོ་མཚར་ལྟད་མོའི་ཚུལ་དུ་ཡོད་པ་ཀུན་ཕན་གྱི་གཞི་རྩར་འདུག་གོ།

དེ་ཡང་བརྒྱ་ལོ་གཉིས་ཀྱི་དུས་ཡུན་དུ། འདི་ཀོ་སློབ་གསོ་མཁན་དང་ཕ་མ་ཁྲི་མ་འབུམ་གྱིས་ཉམས་ལེན་བོགས་འདོན་བྱུང་བའི་ཁྱེའུ་ཆུང་སློབ་གསོའི་མན་ངག་མཚར་པོ་ཞིག་སྟེ། འཛམ་གླིང་སློབ་གསོའི་ལོ་རྒྱུས་ལས་ཀྱི་བསྟན་བཅོས་གྲགས་ཅན་ཉིད་དུ་འདུག་སྟེ་ཀུན་ལ་ཕན་རླབས་ཆེ་བ་རླུང་ལྟར་གྲགས། སུ་ཞིག་བསྟན་དོན་མན་ངག་ཇི་བཞིན་ཕྲུ་གུར་སློབ་གསོ་མཛད་པས་ནི་གོ་ལའི་ཁྱོན་འདིར་སྐད་གྲགས་ཆོད་པའི་མི་བུ་ཀུན་ཤེས་དགོས་འདོད་བཞིན་བཞེངས་གྲུབ་བྱུང་ཡོད་པ་བསྙོན་དུ་མེད། ཁའར་ཝེ་ཐིའི་ཕྱིས་སུ་བྱོན་པའི་ཁྱེའུ་དུས་སློབ་གསོ་པ་ཚོས་གསུང་རབ་ཚན་ཁ་འབར་བ་འདི་བཞིན་རྩོད་མེད་ཡོངས་གྲགས་སུ་བསླབ་པ་ལམ་སྟོན་ཉིད་དུ་འཁྱེར་ཞིང་། ཐོས་བསམ་དཔྱད་ཞིབ་དང་ཁ་ལེན་ལག་ལེན་ཇི་ཙམ་བྱས་ཀྱང་གཞུང་འདིའི་མཁན་པོ་གང་ཉིད་ཀྱི་མཛད་འཕྲིན་ལས་ཐོག་མཐའ་ཀུན་ཏུ་འགོངས་མ་སོང་ཞེས་གྲགས་སོ།།